Kryetari i KSHZ-së për vizitë në KKZ – Dibër

Kryetari i Komisionit shtetëror zgjedhor, Oliver Derkoski dhe bashkëpunëtorët e tij sot e vizituan Komisionin komunal zgjedhor në Dibër, kur nga kryetarja Ermira Bakalli u informuan për aktivitetin e KKZ-së për zgjedhjet lokale për kryetar të komunës.

Bakalli informoi se deri në këtë moment janë ndërmarrë të gjtiha aktivitetet e nevojshme në pajtim me Ligjin, transmeton DibraJon.

Drejtori i Institutit nacional demokratik, Kris Hershou, gjatë takimit u interesua për fushatën zgjedhore si për zgjedhjet presidenciale, ashtu edhe për zgjedhjet lokale për kryetar të komunës në Dibër.

Në takim u shpreh kënaqësia nga fushata e qetë dhe korrekte mes kandidatëve për kryetar të Komunës së Dibrës, Hekuran Duka nga BDI dhe Arben Agolli nga Aleanca për shqiptarët.

Bakalli informoi se në Komunën e Dibrës numri i përgjithshëm i votuesve është 18.625 përderisa numri i vendvotimeve është 27.

Derkoski tha se ai është i kënaqur nga fushata e deritanishme zgjedhore si president ashtu edhe për kryetarë komunash në Dibër, Ohër dhe Novo Sellë.

Lidhur me dinamikën e fushatës presidenciale, kryetari i KSHZ-së theksoi se, fushata po zbatohet qetë me incidente të vogla, por, siç tha, në përgjithësi deri më tani fushata është e mirë.

Njëherit, kryetari i KSHZ-së në Dibër realizoi takime edhe me përfaqësuesit e shtabeve zgjedhore të të dy kandidatëve për kryetarë të Komunës së Dibrës, Hekuran Duka nga BDI dhe Arben Agolli nga Aleanca për shqiptarët.

Leave a Reply

Your email address will not be published. Required fields are marked *

error: NDALOHET KOPJIMI! Faleminderit për mirëkuptimin!